瀧赤料理 (已結業)

睇完戏经开新墟街市见到有间新日本野，试业中决定入去试下。装修都好简洁，木枱木椅比人感觉好舒服好放松。厨房既玻璃又可以睇到厨师入面既工作～店内有三位男士主理，小店经营。先睇下餐牌，试业中黎讲都算已经好多选择，寿司刺身串烧乌冬小食应有尽有！我同细佬二人决定先叫d寿司食下。寿司系逐件计既，先叫左三文鱼寿司两件，熟虾寿司两件，同我至爱既玉子寿司两件！摆盘超靓啊！先加好多分！再讲下寿司饭唔大但上面个食材就超大超长！好抵食，三文鱼同熟虾好新鲜！熟虾仲话系自家制既，唔系出面食到架！最钟意食姜块，有配埋实在太正啦！自家制玉子甜甜地又结实，like!再叫左个软壳蟹卷，有4旧，软壳蟹炸到好香口好脆，配埋卷入面既青瓜，中和左油腻，岩岩好，点埋沙拉酱，正啊。之后黎个豚肉乌冬，系出面偷睇到师傅系逐块豚肉煎完再摆落个汤乌冬到，一点也不马虎！唔系求其碌熟摆落去就算！小店的认真！豚肉煎到好香 又够味 仲有劲多块！同细佬每人都分到3-4块！乌冬幼身好弹牙，汤底都好饮，唔似味精汤！唐扬炸鸡超推荐！新鲜炸到出黎仲出烟，一咬落去出面脆卜卜，内面既肉汁涌哂出黎！旧鸡调味刚刚好，唔会太咸，超好味啊！我呢d炸鸡控真系食完一旧又一旧