影片
更多
2023-08-09
238 浏览
比大陆餐馆有过之而无不及的香港酸菜鱼！Okay, 我承认我唔算食过好多好多餐馆的酸菜鱼，但真系好食的我一定食得出，今次同朋友喺湾仔附近行完街，大家都好想食酸菜鱼，就揾左呢间食评唔错的酸菜鱼餐馆，一坐低就畀佢set餐具吸引，灰色渐变白色再变粉红色的餐具，一睇就知老板应该系有taste的人～讲番正题，餐牌得一款酸菜鱼，叫“老坛酸菜鱼”，分“例”同“大”两种size，因为我地都有叫其他野食，所以叫左个例牌size，店员一放低个大碗，吓亲，咁大兜都叫例牌？！鱼片的份量至少比一般餐馆的例牌多三分一，讲完份量，味道当然先系最紧要，我早一个月先喺深圳食左间出名酸菜鱼，而呢间酸菜鱼真系拍得住大陆的，甚至有过之而无不及，鱼片滑，多肉，花椒味够香，竟然仲有粗薯粉喺底，同枱朋友个个都食到lum lum脷，赞不绝口，真系无乜几可喺香港食到同级的酸菜鱼！我地仲叫左“茶树菇爆炒猪颈肉”，我以为一般茶树菇净系会用来煲汤，点知原来用来炒𩠌都咁好味，佢比一般菇有更浓的菇味，口感亦都好扎实有咬口，配合带点油香的猪颈肉，如果唔系本身叫左个炒饭，净系呢碟𩠌都够送两碗白饭～我地就系叫左呢个“川馆炒饭“，其实佢好简单，但简单得来
比大陆餐馆有过之而无不及的香港酸菜鱼！Okay, 我承认我唔算食过好多好多餐馆的酸菜鱼，但真系好食的我一定食得出，今次同朋友喺湾仔附近行完街，大家都好想食酸菜鱼，就揾左呢间食评唔错的酸菜鱼餐馆，一坐低就畀佢set餐具吸引，灰色渐变白色再变粉红色的餐具，一睇就知老板应该系有taste的人～
讲番正题，餐牌得一款酸菜鱼，叫“老坛酸菜鱼”，分“例”同“大”两种size，因为我地都有叫其他野食，所以叫左个例牌size，店员一放低个大碗，吓亲，咁大兜都叫例牌？！鱼片的份量至少比一般餐馆的例牌多三分一，讲完份量，味道当然先系最紧要，我早一个月先喺深圳食左间出名酸菜鱼，而呢间酸菜鱼真系拍得住大陆的，甚至有过之而无不及，鱼片滑，多肉，花椒味够香，竟然仲有粗薯粉喺底，同枱朋友个个都食到lum lum脷，赞不绝口，真系无乜几可喺香港食到同级的酸菜鱼！
我地仲叫左“茶树菇爆炒猪颈肉”，我以为一般茶树菇净系会用来煲汤，点知原来用来炒𩠌都咁好味，佢比一般菇有更浓的菇味，口感亦都好扎实有咬口，配合带点油香的猪颈肉，如果唔系本身叫左个炒饭，净系呢碟𩠌都够送两碗白饭～
我地就系叫左呢个“川馆炒饭“，其实佢好简单，但简单得来够清淡，配合同枱比较重口味的酸菜鱼同猪颈肉，佢的清淡更显重要，你当然可以简单叫碗白饭，但如果你唔想净系食白饭咁寡，呢个炒饭就啱晒，几粒青葱花，午餐肉，炒到粒粒分明而不油腻，其实好唔简单。
张贴
