羅麥記 (荃新天地) (已結業)

平日中午食饭，黎黎去去都炒粉面饭，间唔中转换口味就会食常餐。而近年来唔少茶餐厅＂转型＂冰室，造就左好多怀旧冰室食物出现。所以不时同朋友出去食饭，都会拣冰室试下常餐。价格相宜之外，食物种类又多。1. 罗麦鸡翼捞通粉 配罗记炒蛋多士跟餐配既多士刚刚烘好，涂上一层薄薄既牛油，焦焦脆脱之外，牛油有阵咸香味，食落格外惹味。多士永远都要衬热食先好味，冻左就。。拜拜跟餐仲有炒蛋，可以转熟蛋、太阳蛋或反蛋。主食瑞士汁捞通粉，味道略淡，好似同通粉唔系好夹，味道融合唔到其中唔会令我想一口接一口。不过如果你钟意食清淡／清爽既口味，可能会觉得无问题。而瑞士汁鸡翼煮得好淋，表皮冇破损，但依然十分之入味，而且可以轻易骨肉分离。就连软骨都可以食得干干净净。总括而言，可以中规中矩，唔难食亦无特别惊喜。