影片
更多
2017-12-01
240 浏览
好多食物本来是很平凡，好多时系感受都令整件事都加分了，例如餐肉煎蛋面、叉烧蛋饭加豉油、烧卖加辣椒油⋯太多太多数不清，全部野都好平但系食个时真心会觉得爽架㖞。好似讲到好颓食咁，其实呢D野先系有要求，就讲餐蛋面，餐肉要煎过，唔好斋渌熟佢，同太阳蛋先系最完美，就算街上成日见，都唔代表好食，我地想食的系一种感觉，一种诚意。就例如饺子店，香港地多多都有，左近总有一间八方等紧你（佢都好食），但系好食同唔好食都各有店在。今日要介绍既系一阵屋企味的圆方饺子。其实呢次我都系路过Hea食，睇睇餐牌，非常平民化，容易入手，听过佢的大名，就试佢招牌鱼汤上海云吞面。一来到，见到奶白色的鱼汤，已经好兴奋，马上饮一啖，真心很清很淡，但又唔系冇味，系淡鲜味，没有味精的「确喉」，唔错。睇睇上海云吞，似广东水饺，唔似平时云吞咁薄皮同带黄色，佢系厚少少同白色，但又唔系粉皮咁厚，食落去唔糊口，最赞系菜馅，入面的香菜味突出！系好单纯的菜肉味，系有妈妈包饺的味道再讲上海面，平时我都好唔钟意食呢款面条，偏焾唔弹牙，拣佢系明挑机心态，结果有惊喜（可能系口味问题，未必正宗），佢系似米线咁既质地，再硬身D，捞埋鱼汤食，大满足也。你问我有
好似讲到好颓食咁，其实呢D野先系有要求，就讲餐蛋面，餐肉要煎过，唔好斋渌熟佢，同太阳蛋先系最完美，就算街上成日见，都唔代表好食，我地想食的系一种感觉，一种诚意。就例如饺子店，香港地多多都有，左近总有一间八方等紧你（佢都好食），但系好食同唔好食都各有店在。今日要介绍既系一阵屋企味的圆方饺子。
其实呢次我都系路过Hea食，睇睇餐牌，非常平民化，容易入手，听过佢的大名，就试佢招牌鱼汤上海云吞面。
一来到，见到奶白色的鱼汤，已经好兴奋，马上饮一啖，真心很清很淡，但又唔系冇味，系淡鲜味，没有味精的「确喉」，唔错。睇睇上海云吞，似广东水饺，唔似平时云吞咁薄皮同带黄色，佢系厚少少同白色，但又唔系粉皮咁厚，食落去唔糊口，最赞系菜馅，入面的香菜味突出！系好单纯的菜肉味，系有妈妈包饺的味道
再讲上海面，平时我都好唔钟意食呢款面条，偏焾唔弹牙，拣佢系明挑机心态，结果有惊喜（可能系口味问题，未必正宗），佢系似米线咁既质地，再硬身D，捞埋鱼汤食，大满足也。你问我有咩特别，我会答冇咩特别，唔会太咸，唔会太油，唔会太浓，样样野的味道都好清晰简单，那就是我对家庭味道的感觉，不花巧的单纯味，就是我喜欢的味道
张贴
