鮨竜 (已結業)

我小学系黄埔，所以成日都会返母校，一定要叫我做黄埔地胆😂，近年来黄埔成日都开好多高质素餐厅，所以都会特登去个边食好西。今日专诚去试下个个都赞好既「鮨竜」， 一入到餐厅觉得环境都几舒适，可以拣吧台前位，窗口位，都有清静嘅二人或者四人枱位。只系得厨师发办，系冇散叫食物。近年好兴Omakase，我都好中意。今次试咗$480 Eel Teishoku 套餐。＊ 茶碗蒸蛋够滑，味清香，蛋上面加了日本特色菜，口感特别。＊ 鳗蒲烧饭超大条劲肥美鳗鱼配上独特酱汁，十分惹味，咸中带甜，十分回味。个人推介配饭，多过配乌冬，甘先唔会浪费左啲汁，转眼间整盒日本香饭已被我扫清。＊松本茸清汤食完浓味既鳗鱼饭，呢个时候饮返碗清清地既松本茸清汤，成个汤松本茸味道好出众＊ 甜品系我喜爱嘅紫薯雪糕， 软滑香口，味道浓郁，不会太甜。