誠記小籠包拉麵 (已搬遷) 新店位置

仲记得上次讲到去咗旧铺食呢个上海菜 然之后见到店员话其实佢哋仲有新铺而亦都有啲旧舖冇嘅食物 觉得性价比真系好高而且地点又就脚 所以今次就决定再去食下呢间诚记！呢个就系旧舖冇既生煎包啦 店员系铺头嘅一个角仔度即刻煎出嚟！ 所以系好热㗎 一咬开个皮嘅一个角仔 就见到佢入边有一半都系汤 而且个外皮做得啱啱好小小脆又有咬口 之后叫咗两个原味小笼包同埋两个蟹粉小笼包 小笼包入边都系好多汤嘅 但系就冇生煎包做得咁出色啦 不过呢个价钱有呢个质素都真系算系咁之后叫咗个水煮鱼片 水煮鱼片嘅味道其实唔系好够 而且对我来讲一啲都唔辣 但系鱼就胜在够滑身 而且侧边仲有啲粉皮同埋芽菜 比起个鱼片嘅话我更加钟意佢啲配菜😂之后叫咗个葱油飞饼 比起上次𠮶个榴梿飞饼 我觉得呢个比较逊色啲 overall 冇榴梿𠮶个咁香同埋冇咁好食 所以食榴梿嘅朋友一定要试榴梿飞饼！