Che Che New York (已結業)

头先放工去咗k11食饭, 食完饭上返地面见到有间舖新开的疑似甜品店(因为入面仲有手袋卖), 入去睇下, 原来系我最爱的朱古力!!! 急不及待走入去, 见到除咗朱古力, 仲有macaron同埋另一种变种macaron(朱古力面的macaron), 我试食咗榛子味macaron同埋椰子味朱古力, macaron无出面食开的咁甜, 靓靓sales果然无呃我呀~~而朱古力个口感好好, 好重朱古力, 靓靓sales话佢地有好多特别的味道, 我见到有wasabi味!!!!真系完全谂唔到!!! 变种macaron上面块朱古力个pattern好靓, 印象最深刻系豹纹同埋玫瑰花。可惜无得试食, 所以我无买到.. 我买咗一粒coffee, 一粒strawberry味朱古力同埋一粒无花果味macaron食, 成粒食个味道仲好呀!!我觉得好幸福呀!!! 下次一定要食埋变种 macaron!!!