八月堂 (已結業)

每次经过八月堂都香气扑鼻，令人蠢蠢欲动，欲罢不能。今日终于忍唔住，失守了，最后买咗六件，买五送一🥐，拎上父母屋企一齐分享。我拣咗三件松露白酱蟹味可颂$28🦀、一件熏鸡起司🐓🧀$25同两件焦糖杏仁卡士达$25。好明显，我最钟意嘅当然系松露白酱蟹味可颂啦。拎到屋企冻咗，所以开焗炉焗返热佢，香喷喷，口水流啊！虽然松露味唔系几食到，不过酱汁系惹味嘅，同蟹柳好夹，蟹柳啖啖肉，馅料份量都算可以，当然多啲会更好啦。