日喜樓 (已結業)

今日去铜锣湾行完街，想食四川菜，喺openrice揾到间近times square,所以去试吓。入到去装修新净，坐得都好舒服。大千鸡-呢个名几特别，所以叫黎试吓，配菜有大量葱同鸡一齐炒，个酱汁甜甜辣辣，好惹味，鸡肉保持肉汁，冇overcook,几好食。水煮牛肉-食四川野点可以唔叫水煮系列，我地叫咗水煮牛，牛肉份量都几多，仲要块块都几大块，煮得好嫩滑，牛肉完全唔会鞋口，而配菜入面有薯粉同芽菜，个水煮汁都算几辣，d牛肉同配菜吸收晒d汁，好好味，食完一啖仲想再食。虾仁炒饭-虾仁粒粒白雪雪，好爽口弹牙，好鲜味，而炒饭都粒粒分名，唔会炒得太湿，好够味。牛肉涵饼-外皮煎得好脆，个包入面装满汤汁，咬落即爆汁出黎，入面汤汁似小龙包d味道，而d牛肉涵都好滑，好有肉味。炸馒头-外皮炸得好脆，热辣辣，即叫即炸，碟底都唔见有油，炸得好干身，配埋练奶，当一个甜品咁食，好满足。