多寶美食

营业中

休息中

今日转战旺角，同阿仔出去行通菜街同金鱼街。要买猫猫用品。街头行到街尾，又嚟扫下街先。相信好多人同我一样，点都要到此一游呢间小食店。老老实实炸大肠同臭豆腐已经卖少见少。虽然邪恶，不过偶尔食一次啫。哈哈～ 美食当前，点忍得口啫。经典香脆炸大肠，每串$16，外脆内软，炸得啱啱好。食炸大肠，我最钟意大混酱。芥末酱加甜酱同大肠超系绝配，食一串绝对唔够喉。怀旧臭豆腐，$10一件。记得细路仔嘅时候，妈妈总会系大年初一带我出去拜神。然后街上好多卖小食手推车，其中远远已经传来炸臭豆腐的味道，每次都令我流晒口水，一定要买嚟食。至于食臭豆腐都要混酱，我就钟意混甜酱同豆瓣辣酱就至夹。必食辣陈皮鱼蛋$10/串，鱼蛋够爽弹有咬口，浓郁辣汁。绝对吾会煮到发胀晒。