雞記潮州麵食

营业中

休息中

好耐冇去过鸡鸡度食嘢啦，突然醒起好想食，系回忆嘅味道。入到去发现原来装修过，舖头清洁咗好多，坐得亦都舒服咗。午餐时间，我嗌咗个炸紫菜墨鱼丸捞粗，原来有得加配墨鱼饼，嗌咗嘢食之后，好快就送到。墨鱼饼切开有3片，非常爽口弹牙，配了酸瓜酸萝卜，点埋蒜蓉醋，味道非常夹。炸紫菜墨鱼丸好香口，口感亦都非常弹牙，捞粗既豉油汁带有少少甜味，而且面会送埋几条小白菜，非常索汁。快快食完到下一位客人坐啦，非常充满回忆而且好好味嘅一餐，我会再嚟帮衬。