Chip In Fish & Chips (已結業)

踏入秋天，又到行山好时机，今日来到西贡，行完山梗系要揾好嘢食，就来个炸鱼薯条吧。餐厅主打Fish & chips，亦有鸡柳，汉堡等等，而虽然主要做外卖，但门口都摆咗几张台，等客人可以坐定定食。一份炸鱼薯条包一款酱汁，我地拣咗最普遍嘅茄汁。今日叫咗一份细炸鱼薯条，每份都系即叫即炸，保证热辣辣，炸鱼皮薄香脆，鱼肉依然嫩滑，唔会炸得太干，而薯条用英式粗薯条，感觉份外有风味。排队时见到有炸Oreo，钟意试特别嘢食嘅我，点可以唔试吓？炸Oreo外脆内软，炸完后有少少流心效果，感觉相当特别。