太湖海鮮城 (已結業)

相信大部份朋友对太湖海鲜城呢个名字一啲都唔陌生。太湖可以话系老牌酒家中嘅表表者。午饭时间有点心，夜晚有小菜丶海鲜。的确系同家人聚餐或者做节嘅好地方。但系大家有冇谂过午饭时间同几个饭脚一齐去太湖食佢嘅小菜海鲜呢？呢一篇食评我主要系想推介一味上汤龙虾煎米底俾大家。何谓煎米？就系将米粉压成一饼，底面煎至干身丶香囗。试谂谂喺脆卜卜嘅煎米上面再淋上上汤龙虾。龙虾系波士顿龙虾。龙虾肉非常弹牙，上汤汁稀结适中，味道恰到好处又唔会抢咗龙虾嘅鲜味。煎米非常香口，再点埋呢个上汤汁…真系无敌嘅组合啊当然如果你多人一齐食嘅话可以叫多过一只龙虾，又或者加啲钱转做大只啲嘅加拿大龙虾。我同三位饭脚点咗一碟上汤龙虾煎米底（加底），一碟烧味拼盘，一个菜，埋单大约百三蚊一个人。工作日嘅午餐嚟讲唔算平，咪当平时做嘢咁辛苦，间唔中慰劳下自己啰。