人和荳品廠 (已搬遷) 新店位置

今日有D口痕，想食煎豆腐，咁就去左人和荳品厂整番碟。虽然依到舖仔细细，但够哂光猛，师傅煎豆腐个位系正门口，大家可以睇住佢点煎，成间舖都有好香既煎豆腐味。我叫左一碟鱼肉煎豆腐同埋一杯冻豆浆。碟鱼肉煎豆腐未食都已经觉得好香，放入口个阵好热，个边煎到金黄又脆，岩岩煎起系唔同Ｄ，唔系煎完放系到好耐先比你。个豆腐既底系有块鱼肉系到，的确系几香，豆腐同鱼肉加埋一齐真系唔错。唯一唔好既野就系旧豆腐好油，但其实无油又真系唔可以煎到咁香既。系咁油既时候饮一杯冻豆浆就岩岩好，可以中和番，加上外面又咁热，依杯冻野真系岩岩好！