時新漢堡飽 (已結業)

早几日同朋友喺黄埔睇戏，睇完就喺附近揾嘢食。不过发觉黄埔附近好多都系连锁餐厅，所以我冇咩兴趣，行行吓俾我发现呢间港式汉堡店，即刻拉朋友一齐入去试吓。我哋两个都要左个双层汉堡芝士蛋，另外加咗一只卤水鸡髀，红豆冰同埋洋葱圈配时新酱（即系秘制沙律酱！）等左冇几耐啲嘢食就到啦，一攞咗个汉堡，就急不及待趁热食，果然不出所料，好新鲜超级juicy!红豆冰都几大杯，而且啲冰够大粒我钟意，因为我好唔钟意饮红豆冰成日饮到啲冰。一睇d洋葱圈咁金黄色，就知啲油好新鲜而且炸得啱啱好！份量都几多。只时新秘制沙律酱酸酸地好开胃！卤水鸡髀好入味，唔只啲皮有味，系连啲肉都入晒味，我觉得水准几高。香港已经好少呢啲传统港式汉堡包店，我下次黎黄埔一定会再帮衬！