美味居點心屋 (已結業)

今日去探亚妈，老公又话去，探完都四点几，不如食个下午茶，我话去美心快餐食个三文治，佢话唔好，因为多人，见对面街有间店，门口摆满点心笼，老公又话好。这间无乜人，有卡位坐，有两部电视被你睇。老公拣下午茶餐，要干炒牛河同咖啡，我叫笼点心，但唔记得叫乜乜饺，话无，问这只好唔好？又唔记得叫乜乜饺，是是但但，见到有些绿色菜包在内，但可能摆得耐，已变微黄色，及饺皮有点硬，不太清楚入面馅料有乜，唔好食。干炒牛河无耐就送来，热辣辣，好够镬气，炒粉面中，老公最爱吃干炒牛河，佢话牛肉几腍，河粉条条分明，豉油老抽又够味，加上几条芽菜，洋葱好味，食得好开心，不过怕佢油腻，帮佢食些少。咖啡，味道不错，茶餐厅一般的味道。多谢老公陪我探亚妈。