囍八方 (差館上街)

营业中

休息中

喺上环食饺子，大家一定会谂到永乐~~不过小妹食过几次，觉得佢无论咩饺都系个个味😅 今次介绍呢间好食好多😉呢度嘅饺子款式都唔少，鲜猪肉饺有配韭菜、西洋菜、芹菜嘅选择，另外仲有粟米香菇鲜猪肉饺、鲜虾菠菜饺同松茸饺。汤饺嘅话，小妹最爱🥟西洋菜鲜猪肉饺同🦐鲜虾菠菜饺。有一排小妹不停买生饺返屋企食，连唔好饺子嘅小妹妈都话唔错。汤饺外皮做得够薄，薄到可以透到入面嘅馅料，就算食晒成碗都唔会因为食好多粉团而饱饱济济。小妹推介大家配🐟骨胶鲜鱼汤底（店员亦大推），奶白色嘅鱼汤浓郁，同饺子味道好夹。如果怕食饺子唔够饱，仲可以拣饺子配面，仲有比较少见嘅淮山面。面条幼幼，唔会淮山滑潺潺嘅口感，而且仲系低卡食品，感觉好似冇咁heavy😂另外仲有煎饺，用半煎炸嘅方法煮，所以煎得好脆口。煎饺小妹大推🍄松茸饺，松茸嘅味道好香，煎熟后松茸汁会锁住系饺子入面，一咬就会必晒出黎（要小心到辣哦~），好食🤗！粟米香菇鲜猪肉饺都唔错，不过如果加埋芝士会更好食。