養心殿台式養生鍋 (已結業)

最近好姊妹搬咗去荃湾，呢日去探她见到附近竟然有最爱的养生殿火锅，大家决定夜晚五煮饭，去食火锅～荃湾分店楼底高，环境阔落、舒适～我哋三个人叫咗满满一枱嘢食，虽然食咗好多次但仍然好钟意食～因为我哋三个女仔，汤底就点左美人锅+养生锅，最爱它家的汤底，材料非常丰富，光是汤底已经可以饱肚～美人锅以桃胶、原只乌鸡、南枣、杞子等熬制而成，将养颜圣品集成一锅，味浓滋补～养生锅用左多种名贵药材，好似当归、参须、红枣、淮山等，再配合鲜鸡、火腿、猪肉，慢熬煮成奶白汤底，汤底非常鲜甜～因为朋友唔食牛，所以今次点左酒香白肉、梅花猪，肉质柔嫩，最爱酒香白肉，食落口散发出酒香味，正～令一款推介就系呢度嘅手打丸，今次点左墨鱼丸、虾丸，粒粒爽口弹牙~每次都会点嘅鲜甜三蔬，因为有我最爱嘅淮山、秋葵～仲有炸芋件同埋新鲜即炸的炸响铃，卜卜脆～在点一扎自家制杞子菊花圆肉露，润喉有不会太甜～最后仲有Fruttato雪糕球，竟然有榴梿味添，为呢餐画上完美的句号～