麵檔 (已結業)

一直好喜歡去麵檔食麵，只要去開時代睇戲，必然去麵檔食返碗細蓉。麵檔係地下鋪，裝修得好有特色，牆壁掛左好多調味料小招牌，充滿香港味道！座位都有三四十，人流唔算多，所以次次都有卡位坐。依舊叫左細蓉，其實如果唔跟餐，$26一碗又唔貴，湯好清澈，係大地魚(?)嘅味道，好似艇仔粉嘅湯底，好清甜，四粒鮮蝦雲吞好大粒，皮好滑，鮮蝦足料新鮮（我食唔新鮮嘅會敏感），麵爽好味，最愛加埋佢嘅辣椒油一齊食！佢嘅辣椒油好香，唔知係自製定買返黎？次次都加好多羹食！次次黎都冇咩人，希望多啲人幫趁，唔好比佢消失！