韓樂 (香港仔中心)

营业中

休息中

经常帮衬韩乐既lunch，因为够抵食，仲有我至爱既石头锅饭，每次都例牌食石锅饭。虽然依间野叫韩乐，但感觉上同实际上都唔系正宗韩国餐厅，所以味道都唔够韩式，例如拌饭系冇辣椒酱捞，又冇泡菜拌碟要俾钱另叫。餐厅上菜速度算快，石锅饭系超热同起到饭焦，虽然冇辣椒酱同泡菜好似差甘d，但佢本身都有个辣汁同烧汁都几好味既，冬天食真系一流，食极都食唔完，因为好热要慢慢细细啖甘食。已经试过晒全部石锅饭，上次食过三文鱼系切粒粒得好少但今次系一块块超多肉。而鸡扒好嫩唔鞋，捞埋紫菜粟米系我至爱。八爪鱼都好多舖满饭，相反牛肉同猪肉泡菜就反而相对比较失色。我见都好多客叫石锅饭，所以应该都几受欢迎，至于其他就未试过，因为我太专一唔想拣其他黎食。