GUM "JENG!" X 御前上茶 (已結業)

难得放假 食完饭梗系要食埋甜品直落啦呢间唔只系食甜品咁简单 佢都有好多正餐可以食㗎 不过佢既抹茶甜品好出名嘅 夏天嘅时候d人为左买佢嘅绿茶雪糕更加系大排长龙添御前圣代 即系绿茶巴菲 我男朋友将佢既雪糕转咗做豆腐味 当你享受紧个豆腐雪糕嘅时候 又突然咬到好烟韧嘅糯米丸子 之后再食都吹卜卜声嘅脆脆 食多几啖你就食到滑漏嘅豆腐 我觉得呢个豆腐既作用系好好似食完啲甜嘢要饮杯水清清个口咁 之后又食到甜甜嘅红豆 到最后就系甘香烟韧嘅绿茶果冻做结尾 成个口感真系好复杂 值得提个豆腐雪糕唔太甜好味 抹茶蕨饼 唔系度度都有得食架 只有食到绿茶地方先有机会食 细细粒同埋出面有啲粉末包住 佢有d似日式嘅年糕 不过冇咁烟韧 就咁食系有啲甘甘地嘅绿茶味 要靠侧边嘅绿茶糖浆先可以令到佢变咗一个甜品 其实加左个绿茶糖浆真系好味好多 因为绿茶糖浆虽然系好甜不过用嚟配呢个甘甘地嘅蕨饼就啱啱好