新大壽日本料理店 (已結業)

原来一直无对新大寿写过任何食评，有懊悔！光顾左3年多4年，耐唔耐都会去，全因食物种类唔少、有d系家庭风味、虽没有靓靓装修，但有著一份简单及亲切，丰剑由人。 准山渍：准山系有益食物，质感爽脆，炒得入味兼带轻微辣味及洒上芝麻，每次必食前菜。 海胆寿司：有北海道或普通海胆任君选择，但个人觉得比贵$20都要食北道既，味道香浓得多。 鸡泡鱼干：烧得太干，是晚失准之作。 串烧牛脷：刚刚相反，好似无麦烧过，缺乏香味之余，牛脷太簿，缺质感，是晚失准之二。 板压靖鱼寿司：靖鱼加醋腌制过，酸酸既，夏天必食醒胃菜！今次有新意思，多左一旧少甜糕点，面上有士多啤梨汁。酸靖鱼加上少甜糕点变成味觉新刺激，好正！ 小池鱼南蛮渍：第一次食，汤底尤其清香，感觉新鲜。 饺子：自家制，每只饺子都包得非常饱满，皮软，内里绝大部份系菜，只有好少量肉碎，食落好 juicy，系个人认为系暂时食过既日本饺子中最好味既，所以每次必食。 软壳蟹牛油果寿：无谂过果份量咁大，好似一条肥毛虫咁。卖相可爱，味道ok！服务：亲切，友善。但不要期望纯日本式既礼节，因为服务员全部都系香港人，相对偏向港式。环境：简单、没有漂亮既装潢，但平凡正系佢既特式。