影片
更多
2018-08-16
614 浏览
唔食臭臭果同我冇话题，我呢个朋友就唔话得，陪我出黎食榴梿王。老板好友善，好好倾，见佢地都好多榴梿造出黎既食品，系非常有创意既小店。呢度既食品全部老板自己谂自已制，食厌大型连锁店千篇一律既榴梿甜品既，一定要黎食，食过真系番唔到转头。呢个D24白雪饼系热食，个外皮外脆内软，好似放大左既鸡蛋仔入面装住满满既榴梿肉，真材实料。榴梿Cheese Cake真系存在架，上层既cream好挺身好creamy，中间就系榴梿肉，再加底层既饼底，一下由顶食到底，形容唔到。呢个猫山王榴梿蛋卷又系啖啖榴梿肉，软绵绵既蛋卷包住厚厚榴梿肉，咬落去好似食紧creamcake甘，食到停唔到口。就黎中秋，梗系唔少得榴梿冰皮月饼，皮薄饀靓，一放底枱面已经好香榴梿味，系口腔入面既榴梿味停留好耐。谂紧买一盒送比妈咪，一盒有6 个。 食到口干叫左呢个红毛榴梿特饮，好清甜，仲有好多爽口果肉，质地有小小似山竹，但就比起山竹大块D。老板话下星期有新品榴梿梳乎厘，唉，都系食埋下餐先减肥……
老板好友善，好好倾，见佢地都好多榴梿造出黎既食品，系非常有创意既小店。呢度既食品全部老板自己谂自已制，食厌大型连锁店千篇一律既榴梿甜品既，一定要黎食，食过真系番唔到转头。
呢个D24白雪饼系热食，个外皮外脆内软，好似放大左既鸡蛋仔入面装住满满既榴梿肉，真材实料。
榴梿Cheese Cake真系存在架，上层既cream好挺身好creamy，中间就系榴梿肉，再加底层既饼底，一下由顶食到底，形容唔到。
呢个猫山王榴梿蛋卷又系啖啖榴梿肉，软绵绵既蛋卷包住厚厚榴梿肉，咬落去好似食紧cream
cake甘，食到停唔到口。
就黎中秋，梗系唔少得榴梿冰皮月饼，皮薄饀靓，一放底枱面已经好香榴梿味，系口腔入面既榴梿味停留好耐。
谂紧买一盒送比妈咪，一盒有6 个。
食到口干叫左呢个红毛榴梿特饮，好清甜，仲有好多爽口果肉，质地有小小似山竹，但就比起山竹大块D。
老板话下星期有新品榴梿梳乎厘，唉，都系食埋下餐先减肥……
张贴
