KOI Thé (弼街) (已結業)

呢间KOI我帮衬左几年，之前钟意佢个黄金珍珠奶茶，我觉得啲黄金珍珠特别烟韧。不过最优秀嘅都系芋圆！无论饮啲咩都好，一定要加芋圆！我嘅最爱就系芋圆乌龙茶拿铁$36，虽然$36买一杯饮品真系好贵，但系佢真系好好饮！茶底清香唔会比奶味掩盖，拿铁系鲜奶，特别香滑，然后芋圆份量一啲都唔少，本身用咗同糖煮，香甜烟韧有咬口，芋头味好香。不过KOI 特点就真系好甜，过甜𠮶一只，半糖都未必受得住，强烈建议微糖，否则糖水过多咩味都饮唔到。