翟道翟棉棉冰 (已結業)

我已有一段时间无黎行旺中，自从旺中加入左唔少小食店后，我都有黎视察下有咩啱食，已经睇中左呢间卖棉棉冰既呢度主打卖泰式棉棉冰同特色饮品棉棉冰除左芒果糯米饭外，仲有榴莲糯米饭 同泰式奶茶味芒果同榴梿都系我最爱，虽然好难拣 but why not both? 我最后拣左芒果糯米饭棉棉冰，亦要左杯猫山王奶昔小店无位坐，亦无立食位置，只可以外卖但都好受欢迎，要排队买小店只有一位店员，由我order完再等，以为要等好耐，其实都唔使，每样都系等5mins到，睇到店员好细心咁整个棉棉冰芒果糯米饭棉棉冰，卖相抢镜，最表面唧左浓稠既奶泡，幼滑既棉棉冰已结合左芒果汁，所以就咁食都有芒果味，再食深一层，就有新鲜芒果粒同糯米饭本身难想像棉棉冰点样芒果糯米饭结合， 原来两者结合后，可以完全无违和感我谂住最底既手握位都系塞满糯米饭，但原来系塞满粟米片由上而下，口感由软绵至烟韧再香脆，口感丰富， 令人难忘而猫山王奶昔俾到我惊喜万分，榴梿味香浓加上鲜奶，饮完仲几饱肚， 味道几真， 感觉应该加左D榴梿肉由于榴梿味饮品比较少有，亦唔系人人喜爱，所以香港好少餐厅或饮品店会做唔好以为所有泰国人都钟意榴梿，我试过系泰国买榴梿搭的