深宵食堂 (已結業)

星期六系尖沙咀等男朋友放工，因好肚饿，行去厚福街揾食，平时只会留意地铺，原来大厦楼上都有好多选择，我地就拣左呢间个名几特别既。上到去一打开门，好多人，我见台台都有叫玉子烧，咁我地一坐低就即刻揾下咩名堂，原来有三只玉子烧，我地叫左芝士蚧肉玉子烧、芝士年糕、黑松露鹅肝野菌石锅饭、香草黑豚肉饭、芝麻鸡翼、日式炒野菜、汁烧帆立贝、汁烧金菇肥牛卷！等左一阵，就即上左芝士蚧肉玉子烧，店员好贴心咁问要唔要帮手切定要影相先，我梗系话要影相先啦，因我好肚饿，影完自己切左，啲芝士流晒出来，即刻夹左黎食，味道好juicy，配埋上面既茄汁好夹。好快我地一人三件就清晒啦。跟住炒野菜都上埋，哇！好大碟啊！我以为好细碟，上面仲有好多木鱼。之后再黎左芝麻鸡翼，一上就已经闻到好香，睇埋个颜色就知道炸得好香口！男朋友唔理仲冒紧烧，就即刻放落口，我都唔执输，我都即刻食，咬果下好脆啊，炸到好好味，呢个变成我大爱，下次一定必叫！依家谂返起都流口水！呢个系香草黑豚肉饭，啲豚肉烧到好juicy，一啲都唔干，可能因为佢有少少肥，但因为有香草系上面，所以一啲都唔腻。好快就食晒成碗！再黎左个黑松露鹅肝野菌石锅饭，呢个一放低就闻到黑松露，