鳴虎 (北帝街) (已結業)

早几日系土瓜湾附近收工, 好想食拉面, 就search下附近有咩选择,揾到隔2条街有间“鸣虎” 好似几有feel既拉面店咁,就去试下啦.始终旧区, 比起旁边的老字号店,未去到门口早几个铺位已经见到比较抢眼既门面, 大大只红灯字”鸣虎”,一碗拉面无论由配料、叉烧、拉面、汤底、紫菜，每一样都好重要!!叫左两款拉面，一望餐牌，最吸引我就系鸣海老，虾+樱花虾粉+猪骨汤，食拉面第一个动作紧系饮啖汤先啦~汤底有点蒜粒，又香又浓，店家秘制酱汁加每日新鲜熬制猪骨浓汤，做晒隔油嘅程序，饮落个汤完全唔油腻，就系啖啖香浓既猪骨浓汤味加樱花虾既香，呢个配搭，完美！呢间拉面店店家系用上博多拉面，相当适合挂汤。另外就叫咗个黑鸣虎，其实就系博多黑蒜油，一样都香浓既猪骨汤底加埋够晒惹味嘅黑蒜，一样系浓汤之选，每啖拉面都可以挂住浓浓嘅汤底。叉烧 ，肥瘦厚薄适中均匀，每块叉烧都一定用火枪烧过表面，逼出甘香既油脂，系我钟意既拉面叉烧！芝麻鸡翼卖相靓，炸得够脆，胡椒味好香，肉嫩，做得出色！下次一定再叫!肉饺子都系基本白菜猪肉馅，煎香得来馅料有肉汁。