華倫餐廳 (已結業)

茶餐厅真系最贴地最好味，系我既至爱呀！讲到食茶记，西多已经冇得输，再加埋系流沙既西多真系冇理由唔食🤤🤤🤤流沙西多入面有流沙蛋黄，食落味道有点似流沙奶黄月饼，但又唔会太甜，金黄香脆，可想而知系几咁好食喇！值得一提既系南瓜薯饼好特别！比普通薯饼口感更丰富更香脆。我自己本身唔中意食南瓜都觉得好食，南瓜味唔会太浓。识食一定识猪扒面配杏霜！猪肉质松软，边边位带有小小脂肪，入口更松化好食！最开心既系杏霜杏仁味好浓，入口口感浓稠，唔会水汪汪，非常满足呀！