鳳城新鴻苑

营业中

休息中

今日本来谂住去湾仔近电车路果间南记食春卷小锅米线，但行到街口就见有超长人龙在门外，唯有掉头走；想食粉面唯有去第二选择～ 炸猪扒。行入玩具街十字路口就系我嘅目的地，一间成日都有人食嘅up dup小店。一个人有时揾位都快d, 啱啱有一位人兄走人。未坐底伙计已问我食乜，好赶 …热辣辣蒜香炸猪扒，十年如一咁好入味又香脆，但价钱就加咗几次；差不多十年前第一次食一件炸猪扒9蚊定10蚊，依家14蚊；猪扒乌冬第一次食系每碗13蚊，依家一碗25蚊。以前放工肚饿都试过就咁外卖块炸猪扒住食。除了蒜香猪扒外，我会食佢地嘅鱼片头，好足料㗎；依碗片头米25蚊，十年前系13蚊。以前咁啱屋企打边炉，有时会走嚟外卖少许鱼片头回去打边炉。