一番風味 (已結業)

今日同屋企人一共四个人去书展，书展人山人海，我地3点去排左好耐先入得。我地四个人既目的一致，就系要帮表妹买暑期功课啦！结果行左一日买左10本好惨呀！夜晚去左湾仔食饭，经过入左一番风味。我地见到海鲜套餐，即刻就叫左啦！我地都好钟意食海鲜架！招牌羔蟹粥，蟹粥好足料超鲜甜，金黄色蟹羔煮成粥，鲜味极浓，粥底又绵密。避风塘炒虾，虾肉大大只好爽甜，避风塘式煮法非常香口。蒜蓉粉丝蒸蛏子，蒜蓉极是香口，粉丝湿润吸收哂蒜蓉香，蛏子无沙够哂爽甜。榄豉龙趸球，鱼肉爽嫩好弹牙，豉汁味浓够滋味！星洲辣炒软壳蟹，微辣酱汁香浓，软壳蟹够哂爽脆，唔会好油腻！最后仲有个炒菜！