一日三餐 (已結業)

去亲旺角都好钟意去食一日三餐，之前试过外卖豉油鸡觉得几好食，呢日决定坐低堂食，去嘅时候未够12点午饭时间，所以人流都唔系好多，例牌嘅豉油鸡饭餐$68，不过今次想试吓食多啲所以要咗半只$118，不过半只就冇餐所以另外再加$10白饭，钟意食呢个豉油鸡饭嘅原因系因为佢系用悦和嘅甜豉油煮，啲鸡好滑之余，豉油亦都好入味，用嚟捞饭送饭真系一流，半只鸡嘅鸡肉亦都几多鸡髀啖啖肉，鸡嘅脂肪亦都唔算厚，老板仲送咗碗西洋菜汤俾我，呢度坐得舒服嘢食又好味，下次想食豉油鸡都会再来。