魂 (已結業)

我地钟意食日式拉面，间唔中就揾D新地方试下，今次见太子呢间好多人帮衬所以午餐时间，我地黎呢到食左个拉面。 餐厅门多有呢个牌写明左有边几款拉面，分左边几款汤底。 我地一直都最钟意原味豚骨汤底，所以点左呢个<魂拉面 $89> 每碗拉面有叉烧 玉子，紫菜，木耳，葱，先试一口汤底，入口有浓郁豚骨汤味，汤头有微微黏咀的骨胶原感，汤底质地浓度岩岩好，又唔会太杰身，面质弹牙，面质挂汤力中等，叉烧是薄切，入口好香好松化。 呢到系采用用电子屏幕下单，比较环保。 饮品方面，除左有汽水之外，仲有酒类及热饮，今次我就点左波子汽水 $18 抺茶味，第一口入口茶味都几浓，如果钟意抺茶可以试下，比较少有。