潮州仔食堂 (已結業)

每次来荃湾都要去呢度食返碗猪杂面、炆猪手和猪膶肠，又平又好食。呢度好多特别部位都有，必食猪黄喉、猪肺、猪粉肠、猪大肠，个白胡椒猪骨汤底好浓郁，够辣又够热，每次都会饮晒啲汤。我通常会叫多一份净猪手同老公 share 食，大大件，猪皮好弹牙，肉炆得好腍，要用手食慢慢嗒。再加一碟猪膶肠，潮式肠粉唔系一碌碌而系一折折的，超滑溜，个豉油甜甜地，真系超好食。间舖虽然细细哋，有卡位有梳化位，都坐得舒服，真系百吃不厌。