品穀

营业中

休息中

之前食过品谷嘅面包同蛋糕都知佢啲出品系高质嘅，今次经过又忍唔住入去睇下，买左件海盐焦糖碧根果曲奇同伯爵茶松饼。个曲奇一拎出嚟已经闻到好香果仁嘅味😍，食落去个碧根果仲系好脆好香。呢只曲奇系软身嘅曲奇，配埋脆身嘅果仁系好夹。虽然系焦糖，但系成个曲奇都唔会好甜，系好香果仁嘅味道，忍唔住一啖一啖系咁食😋。松饼就无个曲奇咁有惊喜，我系第二日焗反热黎食，都好有伯爵茶嘅味，不过个松饼就干身啲，如果入面无咁干就好啦！我仲睇到呢度有个海盐焦糖果仁挞，下次一定要试下！温馨提示呢度嘅面包袋系无手抽嘅纸袋，所以黎买野记得带袋。