漢城美食 (已結業)

今日喺旺角搵下有咩好野食，路過槍街附近見到呢間「漢城」，心諗食韓國野都好。漢式牛肉石頭鍋飯呢個牛肉飯雖然無咩特別，但喺非常合格，韓式石頭鍋飯應有嘅特點佢都盡有。石頭鍋夠熱，可以生成到飯焦。飯夠軟身，配料絲切得夠幼。唯一唔夠好嘅地方就喺，米粒無落到調味，汁水又小，所以d飯就大部分無乜味道。原味炸雞翼呢款雞翼值得一提，因為好特別。原本以為喺韓式炸雞翼或者喺烤雞翼，點知原來喺港式炸雞翼再配上韓式甜酸醬。雞翼表面有一層好薄嘅港式炸粉醬，唔會好好似老麥脆香雞翼咁厚粉，亦都唔喺日本天婦羅咁超薄炸粉醬。一路食一路諗起讀書果陣喺街邊食煎釀三寶嘅回憶。無錯！呢款雞翼特別在有回憶嘅味道！