餃里 (悅湖商場) (裝修中)

饺里饺子都算系我其中一样咁钟意食既野，之前朋友有介绍话悦湖附近有间饺子唔错，咁今日就去试下。饺里铺头好有小店风格，有少少家的感觉😎😎 呢到主打煎同汤饺，亦有新鲜生饺比人买返屋企自己煮。我地一共买咗4款饺子，包括:韮菜猪肉汤饺 (6只)香茜猪肉汤饺 (6只)芝士粟米鲜肉煎饺 (6只)咖哩鲜肉煎饺 (6只)首先讲下汤饺先。汤系属于比较清果种，饮落有少少粟米味，几舒服。饺子好饱满，馅料好足够。饺皮做得好，虽然拎到返屋企已经过咗10分钟，但饺子皮唔会因为浸住汤而烂开，值得一赞。而馅料唔会腌得过火，食哂成碗都唔会口渴！香茜猪肉饺，芫茜份量好多好香，好好味呀！如果韮菜饺韮菜份量再多d就好啦！而煎饺，个饺皮一样咁出色。饺皮冇因为放系盒到而比啲倒汗水搞到淋晒。芝士粟米鲜肉饺，芝士果好强烈，但粟米既甜味平冲返个味道，令饺子唔会太咸同太重味。 咖哩鲜肉饺，咖哩系偏辣果种，如果唔食得辣既话可以拣其他口味。但以上几款我自己就最钟意佢浸辣味！总括黎讲，饺子口味几平衡，而且调味恰到好处，好有细个屋企人包既感觉，值得一试。