Outback Steakhouse (黃埔天地) (已結業)

自从公司附近冇咗间outback，已经好耐冇食过喇，嚟开黄埔，朋友带咗我嚟食个late lunch。由于已过繁忙时间，呢间铺又相对比较大，我地两个人都被安排坐4人卡位，坐得好阔落。见仲有套餐叫，就叫咗2个餐，分别系香辣烧虾饭同一个burger。餐汤系忌廉洋葱汤，配上佢嘅招牌黑糖面包，以前就已经好钟意食佢个黑糖面包，面包软熟，甜度适中。香辣烧虾饭有4只已经剥咗壳嘅虾，唔算太辣，不过饭唔够干身。澳坊芝士汉堡呢个比较普通，汉堡扒太干，薯条反而好食，炸得脆口唔淋。