研香

营业中

休息中

之前喺尖沙咀分店食过一试爱上，念念不忘佢自家制嘅芝麻糊马鞍山店新店开张，定价好似平过尖沙咀少少今日放咗工7:30过去，有唔少人等外卖，但系唔使等位就入到去啦！佢比尖沙咀嘅款式多，一般糖水之外仲有芝士蛋糕同埋好多饮品选择未食饭，决定要个半糖黑芝麻糊加汤圆当饭食！芝麻糊保持高水准发挥，用日本九鬼香浓黑芝麻自家研磨，芝麻香气十足，冇好多芝麻糊𠮶嘅腥味或㶶嘅味道，亦唔系死甜同加粉𠮶啲，所以食落亦唔会一pat pat，质地口感恰到好处！芝麻汤圆正常发挥，下次应该会食返平日通常叫嘅芝麻合桃糊加豆腐花，感觉好似冇咁饱，又可以一次过满足三个愿望！