影片
更多
2018-10-21
409 浏览
话咁快又到星期六，今个星期就约咗班朋友喺筲箕湾食lunch。嚟得筲箕湾，就紧系要去东大街揾食啦😋东大街有好多食肆，当中有两间同名都系叫安利，而两间安利门口都有好多人排队，今次就试下天后庙斜对面望落比较新净𠮶间。据说呢间牛腩好味，另一间就鱼旦比较好味。我地12:30去到排队拎飞，等咗20分钟左右就入得，喺出面排队𠮶阵已经谂好哂食咩，入到去即刻落单，呢到虽然好多客，但上菜速度好快，店员爽手有效率。提提大家落单𠮶阵有咩要求记得一次过讲埋(e.g. 肥腩瘦腩多葱走葱加腩汁等等)。片头爽口弹牙汤底清甜鲜味，一啲都唔咸，饮哂啲汤都唔会觉得口渴。好钟意食呢到嘅牛腩，唔会太冧，够火喉入味得嚟依然保持到咬口。唔钟意食韧腩嘅朋友可以叫肥腩，入口松软同时带有油香。捞面冇捞到打哂结一旧旧又唔油，每条面都均匀上色，但个人认为味道偏淡，要再加埋秘制辣油先够味，面质爽弹，口感十足。爽腩劲爽，但份量略嫌有点少。牛筋松化好入味。呢到嘅奶茶香浓幼滑，茶味重得嚟一啲都唔会涩，钟意饮奶茶嘅朋友一定要试。绝对系必食推介，一块面包加牛油炼奶hkd$15可能感觉上有啲贵，但食过就知道值回票价。由于我地3个人食，特别要求多士"一开三
东大街有好多食肆，当中有两间同名都系叫安利，而两间安利门口都有好多人排队，今次就试下天后庙斜对面望落比较新净𠮶间。据说呢间牛腩好味，另一间就鱼旦比较好味。
我地12:30去到排队拎飞，等咗20分钟左右就入得，喺出面排队𠮶阵已经谂好哂食咩，入到去即刻落单，呢到虽然好多客，但上菜速度好快，店员爽手有效率。
提提大家落单𠮶阵有咩要求记得一次过讲埋(e.g. 肥腩瘦腩多葱走葱加腩汁等等)。
片头爽口弹牙汤底清甜鲜味，一啲都唔咸，饮哂啲汤都唔会觉得口渴。
好钟意食呢到嘅牛腩，唔会太冧，够火喉入味得嚟依然保持到咬口。唔钟意食韧腩嘅朋友可以叫肥腩，入口松软同时带有油香。捞面冇捞到打哂结一旧旧又唔油，每条面都均匀上色，但个人认为味道偏淡，要再加埋秘制辣油先够味，面质爽弹，口感十足。
爽腩劲爽，但份量略嫌有点少。
牛筋松化好入味。
呢到嘅奶茶香浓幼滑，茶味重得嚟一啲都唔会涩，钟意饮奶茶嘅朋友一定要试。
绝对系必食推介，一块面包加牛油炼奶hkd$15可能感觉上有啲贵，但食过就知道值回票价。
由于我地3个人食，特别要求多士"一开三"店员都好乐意为我地安排。
多士比一般出面食嘅厚，而且烘得啱啱好，外层干身香脆得嚟又唔会㶶。一啖咬落去，多士外脆内软热辣辣，里面冰冻嘅牛油再配上适量嘅炼奶，味道口感丰富有层次，真正系又香又甜又好味。
出面食嘅通常都系油淋淋，呢到嘅西多士相对上比较健康唔邪恶，表面嘅油已经喺炸后即时用面包索干，以达至西多外表金黄干身。上枱后记得趁热推溶牛油，炼奶多少自己随心加上就可以。
张贴
