稚

营业中

休息中

星期六晚又喺元朗揾嘢食， 7点9去到餐厅，啱啱好满座，要等位，好彩早dd到，后期有唔少人黎 铺面唔大，坐到10几人到，所以如果同朋友要慢慢倾，就未必适合啦。大约等左10分钟就入得，见到menu有唔少野都好吸引，但无奈只有两个人，叫唔到太多款式。最后叫咗大阪烧（俾佢吸引而黎一试），鳗鱼定食，同小丸子。首先上嘅系鳗鱼定食，睇落去都好好食咁。呢度系半条，都够食嘅，鳗鱼真系几好味，值得一试。个人唔系几好面豉汤，俾咗男友饮，佢话中规中矩冇咩特别。跟住上既系小丸子，紫菜同木鱼都好多，完全盖过小丸子。小丸子唔算好大粒，但味道OK ,都几多沙律酱。最后上嘅系大阪烧，同样都系有劲多紫菜同木鱼，烧汁同埋沙律酱都好多。唔知系咪因为食咗小丸子，开始觉得太多汁啦，有点腻，食咗一两旧就唔想再食，如果有多两个人share可能好啲，但男友觉得OK ,就俾佢清晒啦。