Outback Steakhouse (MOKO新世紀廣場)

营业中

休息中

Outback嘅黑糖面包永远都系咁经典。外皮微微嘅粗糙感，配合内里柔软嘅口感，两者达到微妙嘅平衡。除此之外，温暖带麦香嘅面包同顺滑嘅牛油更系完美配搭。对于怕肥嘅朋友，我个人提议沾汤食，取代牛油，可以令𠮶一口面包有更加丰富嘅香味同味道。另外个芝士馅饼嘅调味适中，而且个蜜糖芥末酱嘅香甜，适宜地解去部分芝士带嚟嘅腻感，唯一美中不足嘅系皮身略嫌唔够脆。至于个香辣虾炒饭整体都不过不失，虾身有啲太干，但无伤大雅。至于白汁带子饭比较腻，不过带子嘅口感都唔错，几弹牙。蕃茄青口意粉都唔差，青口食落几新鲜，如果浓味啲就更好，酸酸地几新鲜。