肯德基家鄉雞 (KFC) (已結業)

我就应该系第一次去尼间KFC分店，因为好少去金钟食野，不过有个食过尼间分店既朋友话尼间既质素系比其他分店好，所以就同朋友去左试下究竟系咪真系咁犀利。放工之后去食真系特别多人，由其是仲要系金钟尼啲咁繁忙既地区，好彩都系排左一阵队姐，唔洗等好耐佢仲出埋餐添，好快手。我自己就叫左个M5一人餐，系厚烧鸡腿火腿包餐，包薯格、葡挞同野饮，咁当然仲有个厚烧鸡腿火腿包啦。朋友就叫左个J2桶饭餐。我就惯左食左啲小食先再食正餐既，个葡挞真系劲新鲜，唔系平时整好用暖柜暖住戈种热，而系岩岩焗起，好脆口戈种感觉，又真系冇系其他分店试过尼个体验。至于个薯格就都脆既，只系冇个葡挞咁香口同新鲜姐，没有对比就没有伤害！但个包就唔识形容啦，唔知系咪系我食小食戈段咁短既时间佢就冻左定点，系一啲都唔新鲜咁，然后入便啲食材都系唔靓既，菜又超黄，蕃茄又霉霉地咁。虽然话食快餐都唔系求咩高质素，但尼个包就真系差左啲。至于朋友个大桶蘑菇饭，佢话之前食戈阵，个饭底系珍珠米黎，不过可惜今次就down grade左变左普通米。希望系咁岩戈日系咁啦，而唔系真系转晒做普通米做饭底。