地道館車仔麵

营业中

休息中

📍地道馆车仔面 - 新蒲岗店$40 三𩠌面，5个汤底，8个面底，40个𩠌可以选择当然有啲𩠌系要加钱($2-3一款)，但唔驶加钱既都有25款选择，个人认为价钱选择面非常合理今次叫左萝卜、猪红、虾条(+$2)，米粉，秘制汁(辣)个汤底好入味，辣度亦适中，就算唔太食得辣既都可以食到底萝卜同猪红基本上系铁胆，萝卜食第一旧有惊喜，好淋好入味，但当我想感恩既时候⋯第3旧已经唔系同一批货🥺虽然都好淋，但个芯明显系白色，亦食到有筋，所以呢个要扣少少分🤏🏽猪红系我认为最出色既，唔系用凝固剂一咬落去就散晒个质感，系有咬口，亦都好够味，一碗面有5-6粒我系几满意👍🏾虾条都出色，我唔系太讲到入面有咩料😆但应该有马蹄，因为咬落去脆口既，但得两条唔系好够喉🤤一定好食过X仔米线既虾卷先！$42既面其实真系好OK! 😂要挑剔既可能系个米粉唔够，食晒成碗面唔算好饱，相信男士们系要加底或者再叫其他小食先够。