影片
更多
2022-11-25
2950 浏览
间店开咗几个月，第一次去食晚饭。之前有帮衬过饮早茶同埋午饭，都系正常大路嘢，估唔到今次食晚饭有惊喜。用料对得住价钱，炒小菜功夫好，碟头大⋯ 今时今日，有齐三样，好难得。最欣赏个鲍鱼啫啫鸡煲，佢个汁落咗蜜糖，好考功夫，因为好容易煮㶶，稍为过火，成碟嘢就会变得有苦味。佢一啲㶶味都冇，结果每件鸡有啫鸡煲嘅多汁，又有炭烧鸡翼嘅甜味，肉有鸡味，正。啲鲍鱼一件开六粒，粒粒肉都鲜味，估计都有10粒，例牌来讲算系足料。另一碟系姜汁玉芥兰，即系将啲芥兰叶拎走，净食个支框。新鲜姜切成方粒，好似花生仁咁大。啲菜自己新鲜多汁，连埋外边嘅姜汁，味道几好。但系啲姜汁则埋一边，净系底𠮶啲有姜味，下次碟菜上枱自己再捞多几下先。第三碟系莲藕青豆炒猪颈肉，加咗少少什菇，增加口感；材料新鲜，唔系好重猪油，冇乜味精，就系咁简单。
用料对得住价钱，炒小菜功夫好，碟头大⋯ 今时今日，有齐三样，好难得。
最欣赏个鲍鱼啫啫鸡煲，佢个汁落咗蜜糖，好考功夫，因为好容易煮㶶，稍为过火，成碟嘢就会变得有苦味。佢一啲㶶味都冇，结果每件鸡有啫鸡煲嘅多汁，又有炭烧鸡翼嘅甜味，肉有鸡味，正。啲鲍鱼一件开六粒，粒粒肉都鲜味，估计都有10粒，例牌来讲算系足料。
另一碟系姜汁玉芥兰，即系将啲芥兰叶拎走，净食个支框。新鲜姜切成方粒，好似花生仁咁大。啲菜自己新鲜多汁，连埋外边嘅姜汁，味道几好。但系啲姜汁则埋一边，净系底𠮶啲有姜味，下次碟菜上枱自己再捞多几下先。
第三碟系莲藕青豆炒猪颈肉，加咗少少什菇，增加口感；材料新鲜，唔系好重猪油，冇乜味精，就系咁简单。
张贴
