賓墟冰室

营业中

休息中

边个话港女唔食茶餐厅，我都可以好贴地㗎。通常礼拜六日呢high Tea之前，我都会食个早餐先，通常食屋企楼下嘅茶餐厅，但系今日呢就特登出咗去青衣食。周不时都会经过呢一间奔去餐厅，但个名呢就唔特别吸引我入去食，咁只不过突然心血来潮都要试吓啲新嘢嘅。咁就入咗去啦点知原来系惊喜呀。首先呢佢个餐呢都好平民价，好似四十零蚊就OK啦，最重要系佢呢份鱼柳餐系劲大份啰，系我食过咁多间茶餐厅入边最大，仲要系好Juicy好嫩口嘅鱼柳，呢个价钱呢个份量真系冇得输，然后我发现佢又系连锁式有几间分店嘅，唔知其他分店会唔会都系咁高质素呢。话说第二次食呢食埋个蕃茄通粉，个茄通都OK呀，汤底够浓啦又有淡淡的蕃茄肉，食落口真系好有口感。