媽咪雞蛋仔 (已結業)

晏昼食左好多饭，夜晚想食d小食就谂起妈咪鸡蛋仔!今次去观塘分店试下有冇咩唔同！抹茶香蕉金莎格仔饼之前尖沙咀都唔见有呢个格仔饼，唔知系新出定店舖限定?我净系知味道超夹!金莎酱简直系画龙点睛，夹埋格仔饼度真系冇得输!格仔饼又够厚，当饭食都可以!难得抹茶味都可以淡淡地透出，好正!伯爵茶朱古力鸡蛋仔平时食抹茶朱古力，今次试下伯爵茶！果然冇拣错，每粒都食到伯爵茶清香既茶味，朱古力粒溶化系鸡蛋仔入面，嗅觉同味觉享受一流!特浓朱古力沙冰，荔枝梳打特浓朱古力沙冰好大杯，朱古力味够浓，冻冰冰每口沙冰好有咬口，朱古力迷实钟意!而荔枝梳打就够哂refreshing,惊食到漏想饮野清清个口呢杯系不二之选!