雲南啊老表黑山羊湯鍋米綫 (上海街)

营业中

休息中

我谂仲意食羊既人会有同仲意食榴梿一样, 一系好仲意一系见到都反呕, 而我就系前者, 所有羊我都好仲意食, 天气开始热, 羊腩煲又消失得七七八八, 一条友又无可能去打边炉, 哩排留意到好多米线店都出咗乜乜黑山羊清汤米线, 净系听个名我都流口水, 今日就去咗一间叫老表黑山羊试试佢既羊汤啦, 我ORDER咗一个细, 店员话细都好大碗, 大碗你细食可以两个人食架, 咁我就叫细试试住, 仲叫咗个口水鸡, 碗米线黎到, 真系好大碗, 好足料, 汤好清, 有簿簿一层羊油, 闻到已经精神一震, 急不及待试一口, 脑里浮出一个字 “鲜” 丫 , 劲好味, 汤系清, 但系好浓既羊肉羊骨味道, 米线又好弹牙, 羊肉片系冻切个一种, 好有咬口, 好简单, 原味既羊肉, 不花巧而踏实既味道, 我见隔离枱有人叫麻辣米线, 我好想叫佢改返清汤啦, 真系好正, 总结: 我谂我每星期最少会黎一次LUNCH, 性价比好高