潮福蒸氣石鍋 (已結業)

潮福一讲个名，原来已经好多人识，同事仲话蒸气锅系潮福至正，讲起就去食先。蒸气任食套餐先388一位，包左汤，粥，乳鸽，龙虾or 刺身，砚，四选海鲜，任食和牛，鸡，手打丸，瓜菜，糕等，任饮埋汽水茶等，先388一位真系好正好吸引。我觉得最正系龙虾，真系非常新鲜，讲起都口水流，肉质弹牙，仲有虾膏，好鲜甜，又大只，街市自己买都难揾啦，清蒸真系一流。另外，四款海鲜入面，象拔蚌同蚝都好正，蚝有成只手掌咁大，好肥美，一咬又有蚝汁，蚝咁样食最正，仲正过食生蚝，象拔蚌都好新鲜，佢切左嘅食落好弹牙，鲜甜，蒸得岩岩好，正。除左海鲜肉丸等，菜类都好多，有芋头，南瓜，菜篮又有花心旺菜等，食左咁多肉同海鲜，食返菜再最后食碗粥，真系舒服到晕。