影片
更多
2019-04-27
4403 浏览
早几年朋友聚会，总有人提议食放题，平有平食，贵有贵食，但讲到最稳阵嘅，我一定投大喜屋一票。以前真系好威水，食过嘅人都知道，一够钟，楼下排队等电梯嘅人好汹涌。今时唔同往日，放题真系少人食左；换个角度睇，我觉得对食客而言系好事。就好似当日咁，我地两个人都坐到好阔落嘅卡位、上菜速度快而准、成个场又唔会好嘈吵星期一至三晚市收费$238/位，任食3小时，8点半入座，可以食到11点3，真系咪话唔饱。如果7点半前埋单或9点3后入座，可以额外有85折，都算性价比好高了。上次黎都仲系手写落单，原来而家好环保，入座时会俾张飞仔你，上面有枱号同一个二维码，用手机扫一扫就可以落单，非常方便。一早都觉得啲放题真系唔应该大叠大叠纸咁浪费，希望其他放题都参考。手机落单一样有图片睇，基本野都有齐哂，刺身款式多，仲有寿司、手卷、卷物、小食、炸物、天妇罗、一品料理、甜品等。饮品可以自取，另外亦都好贴心，可以用手机点一啲冇冷藏嘅饮品。首先一定系点一盘刺身，因为我地得两个人，就唔点太多，款款点少少浅尝，啱食、正嘅先加单。三文鱼、油甘鱼、八爪鱼、赤贝、甜虾、带子、北寄贝等，冰底上，整体都非常新鲜，唔会话雪到死实实，三文鱼、油甘
星期一至三晚市收费$238/位，任食3小时，8点半入座，可以食到11点3，真系咪话唔饱。如果7点半前埋单或9点3后入座，可以额外有85折，都算性价比好高了。
上次黎都仲系手写落单，原来而家好环保，入座时会俾张飞仔你，上面有枱号同一个二维码，用手机扫一扫就可以落单，非常方便。一早都觉得啲放题真系唔应该大叠大叠纸咁浪费，希望其他放题都参考。
手机落单一样有图片睇，基本野都有齐哂，刺身款式多，仲有寿司、手卷、卷物、小食、炸物、天妇罗、一品料理、甜品等。
饮品可以自取，另外亦都好贴心，可以用手机点一啲冇冷藏嘅饮品。
首先一定系点一盘刺身，因为我地得两个人，就唔点太多，款款点少少浅尝，啱食、正嘅先加单。三文鱼、油甘鱼、八爪鱼、赤贝、甜虾、带子、北寄贝等，冰底上，整体都非常新鲜，唔会话雪到死实实，三文鱼、油甘鱼厚切，食落特别满足
因为我无饭不欢，所以食放题都会点啲寿司。佢地嘅寿司其实几唔错，首先旧饭唔会太大件，唔洗食几旧就饱哂啦。二来质素唔会差过啲连锁日本料理，军舰紫菜都仲脆。
encore左呢做辣味三文鱼同蟹籽军舰
芝士蟹棒系另一样我fav~
仲有鳗鱼、左口鱼边寿司呢。
沙律、前菜例如八爪鱼、螺肉。
熟食方面都好多选择，基本上全部都系比较「新鲜」，唔会好似啲平价放题咁，全部整定哂。几钟意佢地嘅天妇罗，唔会好厚粉同埋几脆
另一半就好钟意呢度嘅西京烧，贪佢烧得几香，唔会好油，又啖啖肉
牛舌就老左少少，食落会韧。
鸡翼唔错，够干身，有少少盐调味。
其他小食中规中矩。
临尾我钟意点个牛油粟米，牛油唔够多啊。
甜品细细杯，几好，唔怕浪费嘛，食过啱食先再点。
最后每人有一杯雪糕，我地就一定拣haagendaz嘅，当日仲有焦糖脆饼口味，yummy
张贴
