三洋餐廳 (已結業)

今日下昼赶住要准备开会嘅野 又要揾间餐厅食个快饭 咁就近近地嚟咗呢间喺路口嘅三洋餐厅🍴三洋好多地方都有 都系一间好普通嘅茶餐厅 真系完全冇期望咁入咗去食 预先讲定个结果 其实真系完全冇特别 好一般 唯一优点系快😂不过都要讲吓啲野食嘅 我见普遍嘅人都系叫精选午餐㗎啦 咁我都系喺里面拣一个食 咁就叫咗香煎鱼柳煎蛋饭😬 佢附送一个例汤 个中汤就同一般餐厅𠮶啲都一样 都系味精咸汤啦 饮咗两啖就冇饮啦个饭就真系好大个 都唔系好食得晒 至于鱼柳就系一般雪藏嘅鱼柳 但系唔系佢冇落到好多胡椒粉 所以雪藏味都几重🤕 洋葱汁就略嫌甜咗啲 不过都系要嚟送吓饭 易入口啲㗎啫整餐快餐只系需时十五分钟左右 真系啱晒我呢啲连食个饭都要赶头赶命嘅打工仔呀😅 下次赶时间可以再嚟